H71 als onga mótstøðu í European Cup

Kvinnurnar hjá H71 mestsum spákaðu seg víðari í European Cup, tá tær snøgt sagt smurdu kypriotiska mótstøðuliðið, Latsia, av í tveimum dystum, sum vórðu spældir í Føroyum um vikuskiftið.

Í fyrra dystinum leygardagin vunnu hoyvíkingar ikki minni enn 50-14, og sunnudagin endaði dysturin 41-21. Talan var tískil um samanlagdan 91-35 sigur til H71, sum heldur fram í kappingini og skal spæla í 3. umfari. 

 - Vit væntaðu ikki, at vit vóru so nógv betur enn tær. Also, vit fingu at vita, at tær ikki høvdu meira enn eini 10 spælarar við og tvær eru málverjar. Tær fingu so eitt reytt kort næstan beinanvegin, og so varð tað tungt hjá teimum at renna restina av dystinum. Vit kundu hinvegin skifta út, segði Lukka Arge við portal.fo eftir fyrra dystin.