Landsstýrismálanevndin tikið fundin uppaftur

Landsstýrismálanevndin tikið fundin uppaftur
Miðað verður framvegis eftir, at nevndin skal verða liðug at viðgera málið um Ingilín D. Strøm, landsstýriskvinnu, í dag ella í kvøld.
Fundurin í landsstýrismálanevndini er tikin uppaftur.
Mynd: Bjarni Árting Rubeksen  
 
22.10.2024 - 16:20

Fundurin í landsstýrismálanevndini um kæruna um Ingilín D. Strøm, landsstýriskvinnu, er tikin uppaftur, og nú sita allir tríggir nevndarlimirnir á fundi.

Tá landsstýrismálanevndin fór á fund í morgun, segði Bárður á Steig Nielsen, sum boðar Sambandsflokkin í nevndini, at hann helt fast við fyribilsniðurstøðuna, sum ein samd nevnd gjørdi í málinum fyri nøkrum vikum síðani.

Hini bæði í nevndini, Hans Jacob Thomsen í Javnaðarflokkinum, sum er formaður, og Hanna Jensen úr Framsókn, hildu kortini fram at viðgera málið.

 

Hans Jacob Thomsen. (Mynd: Bjarni Árting Rubeksen)

 

Fundurin var niðurlagdur um 11-tíðina, tá tingfundur var settur, men fyri løtu síðani var hann tikin uppaftur.

Hans Jacob Thomsen sigur við Kringvarpið, at miðað verður framvegis eftir, at landsstýrismálanevndin skal vera liðug at viðgera málið í dag ella í kvøld.

Men tað er ikki vist, at niðurstøðan verður kunngjørd í dag.

 

 

Er kopiera
Nýggjastu sendingar í ÚV
Nýggjastu sendingar í SV
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158
Týsdag 20. mai
Veðrið
192138
Týsdag 20. mai
3-2 (28. apríl 2025)
192112