Øll hava ikki ráð til at leggja um

Um vikuskiftið var ráðstevnan “Varandi Heimur” á Giljanesi, og hevði hon til endamáls at skumpa undir burðardygga menning í Føroyum.

– Enn eru vit ikki komin langt á leið, heldur Kári Mortensen, sum vísir á, at framvegis koma 90 prosent av okkara orku frá olju, so tí er neyðugt at halda fram við menningini.
 
Tað krevur tó ein djúpan lumma hjá privatum húskjum at leggja um frá olju til varandi orku.

– Tey, sum ikki hava teir stóru pengarnar, kunnu slett ikki vera við í hesum her, sigur Kári Mortensen, ið vísir á, at tað eru mest tey við høgari inntøku, ið hava lagt um.

– Neyðugt er at halda fram við teimum tiltøkum, sum longu eru sett í verk, og tey eiga at styrkjast, so vit fáa øll við. Tað er ein stór politisk uppgáva.

Høgni Rasmussen hevur verið stigtakari til ráðstevnuna, og hann heldur, at stórur tørvur er á einum tílíkum tiltaki:

- Tað er rímiliga greitt komið fram á ráðstevnuni, at vit eru komin rímiliga stutt á hesum økinum, sigur hann.

Hoyr samrøður við Kára Mortensen og Høgna Rasmussen her: