Miðflokkurin: Húsalánsgrunnurin skal ikki sleppa at læna so nógvan pening

Húsalánsgrunnurin eigur ikki at sleppa læna so nógvar pengar, sum hann hevur lógarheimild til.

Tað heldur Miðflokkurin, sum hevur uppskot um at broyta lógina um Húsalánsgrunnin.

Løgtingið samtykti í vár at hækka lániloftið hjá Húsalánsgrunninum til bústaðarbygging 350 mió. kr. 

Hetta var samtykt á ivasomum grundarlagi, sigur Miðflokkurin.

Les uppskotið her.

Haldføristrupulleikar

Tað var greitt, tá Landsgrannskoðanin kom við frágreiðing um Húsalánsgrunnin.

Í henni var varpað ljós á haldføristrupulleikar hjá Húsalánsgrunninum.

Tað er ikki rætt, at Húsalánsgrunnurin heldur fram at byggja, nú haldførið hjá grunninum er sera ivasamt.

Umhugsað eigur eisini at vera at skipa Húsalánsgrunnin á annan hátt, sigur Miðflokkurin.