Landskassin stóran leiklut í Suðuroyartunlinum

Landsstýrið, og harvið landskassin, kemur at hava ein munandi meira aktivan leiklut í fíggingini av Suðuroyartunlinum, sammett við Eysturoyar- og Sandoyartunnilin.

Tað sæst í fylgiskjalinum til lógaruppskotið um Suðuroyartunnilin, sum lýsir fíggingarleistin.

Í løtuni verður roknað við, at tunnilsverkætlanin fer at kosta fýra milliardir krónur í "2024-krónum."

Upphæddin skal tó takast við stórum fyrivarni, bæði tí at fyrireikingararbeiðið ikki er liðugt enn og tí at tunnilsarbeiðið enn ikki er bjóðað út. 

Við støði í prísinum, fýra milliardir krónur, skal eftir ætlan ein milliard krónur játtast, beinleiðis á fíggjarlógini. Ítøkiliga 100 milliónir krónur um árið, næstu 10 árini. 

Síðani skulu 350 milliónir koma úr Íleggingargrunninum, sum skilst sum eitt rentufrítt og avdráttarfrítt lán, í øllum føri í eitt tíðarskeið.

Og so skal landskassin læna restina av pengunum, sum síðani verða læntir víðari til partafelagið Suðuroyartunnilin. Leisturin er, at landskassin tekur lán, so hvørt tørvur er á pengunum. Lánið frá landskassanum til tunnilsfelagið røkkur tilsamans 40 ár, harav 10 ár til byggitíðarskeiðið og 30 ár frá tí at tunnilin er tikin í nýtslu.

Teitur Samuelsen, stjóri í P/F Suðuroyartunnilin, sigur soleiðis um fíggingarleistin: