Hákun Steingrímsson farin frá sum stjóri í MBM

Hákun Steingrímsson er farin frá sum stjóri á Mjólkarvirki Búnaðarmanna, MBM.

Nevndin í MBM og Hákun Steingrímsson hava gjørt fráfaringaravtalu, verður sagt í tíðindaskrivi.

Sagt verður, at felagsstevið, sum var, er ikki meir.

- Nú nýggj nevnd er komin í MBM, eru vit ikki heilt samd um, hvussu felagið skal rekast. Hetta er ein støða, sum kann koma, tá ið man hevur verið leingi í starvi, sigur Hákun Steingrímsson við Útvarpið.

Hann hevur verið stjóri í MBM í góð 12 ár.

MBM fer nú at leita eftir nýggjum stjóra, sum verður tann triði í søgu felagsins, og setanartilgongdin byrjar beinanvegin.

Karl á Høvdanum, sum hevur verið fíggjarstjóri í MBM, verður fyribilsstjóri, og Hákun Steingrímsson verður ráðgevi fyrstu tíðina.  

.