Tropisk ódn hóttir Filipsoyggjar

Flogferðir eru avlýstar og tíggjutúsundtals fólk eru flutt heimanífrá, skrivar Reuters-tíðindastovan.

Í morgun sigur filipinska veðurtænastan, at ódnin hevur ment seg í styrki.

Í Bicol-landspartinum eru útivið 180.000 fólk flutt heimanífrá, vísa tøl frá filipinsku tilbúgvingini.

Hetta er sætta tropiska ódnin, sum rakar Filipsoyggjar innan fyri fimm vikur, og í minsta lagi 163 fólk hava latið lív undir teimum ódnum, ið higartil hava verið.