Ikki nógvir vindskaðar

Kortini fekk politiið frá klokkan níggju í gjáramorgunin til klokkan sjey í gjárkvøldið tilsamans 11 fráboðanir av ymsum slagi og ymsastaðni í landinum.

- Fleiri snúðu seg um, at fólk stúrdu fyri, at ymiskt kundi fara í vindinum, so tey vildu tryggja seg, sigur vakthavandi á politistøðini í Havn.

Politiið ber í hvørjum einstøkum føri avvarðandi bjargingarliði boðini, og so verður fólk sent at kanna umstøðurnar.

Hálka kom óvart á
Í gjárkvøldið kom kavin heldur brádliga og tað bleiv øgiliga hált, men kortini kom bara ein fráboðan um ferðsluóhapp.

Tað var um 10-tíðina, tá ið ein bilur fór á glið í svinginum við Djúpagilsvegin og út á Vegin langa í Hoyvík og rendi á ein annan.

- Báðir bilarnir vóru væl skøddir, men har var ikki standandi á beinunum, so hált var tað, sigur vakthavandi í morgun.