Frítekst tagging:
- Tíðindi, mentan og ítróttur
Nýggj kunngerð um samhandilin við Russland
Nýggj kunngerð um samhandilin við Russland
Tað, sum ikki stendur í teimum 16 fylgiskjølunum, verður ikki loyvt, sigur landsstýrismaðurin í uttanríkismálum
Tað er longu avmarkað, hvørji russisk skip kunnu koma í føroyska havn.
Mynd: Bjarni Árting Rubeksen
20.11.2024 - 15:26
Í morgin kemur nýggj kunngerð í gildi um avmarkandi tiltøk, í sambandi við atgerðir móti Ukraina.
Hetta er fyrsta kunngerðin av sínum slag, tí hon sigur beinleiðis, hvat slag av samhandli Føroyar og føroyingar kunnu hava við Russland.
Tað, sum ikki stendur í teimum 16 fylgiskjølunum, er frá í morgin at rokna ikki loyvt, sigur Høgni Hoydal, landsstýrismaður í uttanríkismálum.
Høgni Hoydal. (Mynd: Bjarni Árting Rubeksen)
Føroyar hava síðani byrjan fylgt teimum tiltøkum, sum millum annað ES hevur sett í verk, men tað hevur verið torført at fylgja við, tí har koma so nógvar broytingar, sigur landsstýrismaðurin.
Og fyri at koma teirri avbjóðingini til lívs, hava føroysku myndugleikarnir vent gongdini á høvdið.
Hoyr innslag í útvarpstíðindunum:
20112024_Hogni_um_kunngerd
Er kopiera
Nýggjastu sendingar í ÚV
