Samráðast við Russland um nýggjan fiskiveiðisáttmála

Í hesi vikuni vera samráðingar millum Føroyar og Russland um fiskiveiðiavtalu fyri næsta ár.

Tað upplýsir Fiskivinnu- og samferðslumálaráðið.

Í farnu viku ráðførdi Dennis Holm, landsstýrismaður, seg við uttanlandsnevndina hjá løgtinginum um russlandssáttmálan næsta ár.

Svarið frá uttanlandsnevndini er viðgjørt, og avgjørt er at fara til samráðingar við Russland.

Samráðingarnar vera á talgildum palli í hesi vikuni, sigur Fiskivinnu- og samferðslumálaráðið.