Politiið tosaði við ferðafólk um dronu

Í gjár var politiið eftir tveimum útlendskum ferðafólkum, sum brúktu dronu í Bø.

Tað er ikki loyvt at brúka dronu í bygdum øki.

Og harafturat er Bøur innan fyri fimm kilometra markið uttan um flogvøllin.

Ferðafólkini tóku dronuna niður alt fyri eitt, tá politiið kom.

Tey fingu onga sekt, og dronan var heldur ikki tikin frá teimum.

Slík dronuflúgving er næstan hvønn dag um summarið, sigur politiið.

Endamálið við slíkari flúgving er myndatøka.