Útlendingar skulu vísa revsiváttan

Útlendingar, sum koma til Føroya at arbeiða, skulu vísa revsiváttan, tá teir søkja um arbeiðs- og uppihaldsloyvi í Føroyum.

Tað ætlar Bjarni Kárason Petersen, landsstýrismaður í lógarmálum.

Hann sigur, at arbeitt verður við í løtuni við hesum málinum.

Bjarni Kárason Petersen hevur svarað Árna Skaale, løgtingsmanni, sum spurdi um Fast Track-skipanina.

"Eg havi sett mær fyri, at krav verður sett útlendskum arbeiðstakarum um at vísa revsiváttan, tá ið teir søkja um arbeiðs- og uppihaldsloyvi í Føroyum. Tað verður í løtuni arbeitt við hesum málinum," skrivar Bjarni Kárason Petersen, landsstýrimaður í lógarmálum.

Bjarni Kárason Petersen, 16:9

Færri makar og børn komin til Føroya

Síðani inntøkumarkið var hækkað fyri einum ári síðani eru nógv færri makar og børn hjá útlendingum, sum koma til Føroya at arbeiða, komin til Føroya.

126 loyvi til samfylgjandi familju vóru latin í fjør og 124 í 2022. Til 13. oktober í ár eru 52 loyvi latin.  

Á sumri í fjør var staðfest, at meiri enn dupult so nógvir familjulimir vóru komnir til Føroya síðani snarskipanin Fast Track kom í 2021.

Tað gjørdi, at skúlar og barnagarðar vóru overvaðir av útlendskum børnum, sum ikki dugdu føroyskt, sigur landsstýrismaðurin.

Inntøkumarkið var hækkað, so útlendingar eru førir fyri at uppihalda sínari familju í Føroyum.