Sleppið tykkum av við havvindmyllurnar

- Bretland ger stórt mistak. Latið upp Norðsjógvin, og sleppið tykkum av við vindmyllurnar.

Bretska stjórnin hevur boðað frá einum átaki, har vindorkan skal fýrfaldast innan 2030, sum liður í at minka skaðiligu veðursgassini. Átakið skal fíggjast við lutfalsliga størri skatti á olju- og gassframleiðslu í Norðsjónum.

Trump hevur leingi verið ímóti vindorku, og royndi í 2015 at forða fyri, at vindmyllur vóru settar upp nærindis einum golfvølli, sum hann eigur í Skotlandi. Men royndin miseydnaðist.