Fer ikki at hitta grønlendskar politikarar

Donald Trump yngri skal ikki tosa við nakran politikara í Grønlandi.

Tað skrivar Reuters, sum hevur tosað við keldu, ið veit nógv um ferðina til Grønlands hjá Donald Trump yngra

Hann kemur til Grønlands í dag.

Ein dagur er settur av til at taka livandi myndir til eitt poddvarp. Hvat poddvarpið er um, er óvist.

Grønland er stórbært

Donald Trump sigur, at sonur hansara og tey, sum eru við honum, fara at vitja nøkur av teimum mest framúrskarandi økjunum í heiminum.

Grønland er stórbært. 

Vitjanin verður til stórt gagn fyri fólkið har, um, ella tá, Grønland verður partur av USA, sigur Trump á sínum egna miðli, Truth Social.