Ríkisfundur verður fríggjadagin

Ríkisfundur verður í forsætismálaráðnum í Keypmannahavn fríggjadagin.

Árligu ríkisfundirnir, sum eru millum teir tríggjar leiðararnar í Danmark, Grønlandi og Føroyum, vera vanliga hildnir um summarið, men so er eisini vanligt við einum hálvársfundi. Og tað er hesin fundurin, sum verður hildin fríggjadagin.

Samstarvsráðið eisini fund

Umframt sjálvan fundin millum teir tríggjar leiðararnar í ríkisfelagsskapinum, er eisini fundur í samstarvsráðnum, har fýra ráðharrar umboða hvørt landið. Á tí fundinum vera tað Aksel V. Johannesen, løgmaður, og landsstýrisfólkini Høgni Hoydal, Sirið Stenberg og Ruth Vang, sum umboða Føroyar.

Fundirnir í samstarvsráðnum snúgva seg um uttanríkis-, verju- og trygdarpolitisk mál.

Føroyska sendinevndin fer úr Føroyum hósdagin.