USA fer úr París-avtaluni

Donald Trump, forseti, tekur USA úr Paris-avtaluni.

Tað skrivar AP-tíðindastovan.

Altjóða veðurlagsavtalan var samtykt í París 12. desember 2015. Endamálið er at halda alheims upphitingini niðan fyri tvey stig og at avmarka upphitingina til hálvtannað stig.

180 lond við í avtaluni

Meira enn 180 lond hava mótvegis ST bundið seg til minka útlátið í sínum landi. 

Málini skulu herðast, og ætlanin er at dagføra tey fimta hvørt ár.

Avtalan kom formliga í gildi í 2016.

Biden broytti avgerðina

Í 2017 boðaði Trump frá, at USA fór at taka seg úr avtaluni. Avgerðin kom ikki í gildi fyrr enn 4. november 2020, dagin eftir, at Trump tapti forsetavalið. 

USA kom tó upp í aftur verðurlagsavtaluna, tá ið Joe Biden, nú fyrrverandi amerikanskur forseti, hevði sín fyrsta arbeiðsdag í Hvítu húsunum. 

Men nú hevur Trump so aftur tikið USA úr París-avtaluni.