Russland og Kina ynskja Lukasjenko til lukku við valinum

Russiski forsetin Vladimir Putin og kinesiski leiðarin Xi Jinpin hava ynskt Aleksandr Lukasjenko til lukku við valsigrinum á forsetavalinum í Hvítarusslandi.

70 ára gamli Lukasjenko hevur stýrt landinum við jarnharðari hond síðani 1994. 

Á valinum í gjár fekk hann 86,6 prosent av atkvøðunum.

Lukasjenko, sum verður róptur seinasti einaræðisharrin í Evropa, fer sostatt undir sítt sjeynda forsetskeið sítt sum forseti. Valið í gjár verður sagt at vera ein glantrileikur, og at fólkaræðið verður ikki virt.

- Avgjørdi sigurin prógvar politiska myndugleikan, sum tú hevur, og at fólkið treytaleyst stuðlar rikna politikkinum í Hvítarusslandi, stendur í fráboðan frá russiska forsetanum Vladimir Putin.

- Xi Jinping ynskir Lukasjenko til lukku við afturvalinum sum forseti í Hvítarusslandi, boðar kinesiska tíðindastovan Xinhua frá.