EM-liðskiparin til Champions-League felag

EM-liðskiparin til Champions-League felag
Liðskiparin hjá føroyska hondbóltslandsliðnum, Pernille Brandenborg, skiftir úr donskum hondbólti til norska Champions League-felagið Storhamar
Pernille Brandenborg skiftir til norskt Champions League-felag
Mynd: Liselotte Sabroe/Ritzau Scanpix  
 
30.01.2025 - 11:39

Liðskiparin hjá føroyska hondbóltslandsliðnum, Pernille Brandenborg, skiftir úr København Håndbold til norska Champions League-felagið Storhamar.

Skiftið kemur í kjalarvørrinum á fyrsta EM-endaspælinum hjá føroysku hondbóltskvinnunum, har Pernille Brandenborg taldist millum eyðsýndastu føroysku spælararnar.

 - Hetta er eitt superkeyp fyri okkum, sigur venjarin hjá Storhamar, Kenneth Gabrielsen.

Pernille Brandenborg sigur við heimasíðuna hjá Storhamar, at tað bert tók eina lítla viku at fáa skiftið í lag, tí hon metir hetta vera ein møguleika, sum hon ikki kundi siga nei til.

 - Eg havi sæð fleiri av dystunum (hjá Storhamar, red.) í Champions League. Eg haldi, at liðið hevur staðið seg væl og betri, enn stigatalvan bendir á, sigur landsliðsliðskiparin. Storhamar liggur fremst í bestu norsku deildini, aftir at stórfelagið Vipers Kristiansand fyri kortum fór á húsagang.

 - Pernille kann menna seg upp á alskyns mátar, tí hon hevur neyðugu svongdina. Vit fáa ein strukuspælara, sum hevur evni í øllum spælifasum. So er hon eisini lang og sterk, sigur venjarin.

Áðrenn Pernille Brandenborg fór til København Håndbold, spældi hon við Randers, Vendsyssel og Gudme.

 - Eg havi ment meg nógv í København Håndbold, har eg havi havt tað sera gott. Tí er tað ringt at fara.Eg vil kortini fegin royna meg í evropeiskum hondbóltskappingum, sigur Pernille Brandenborg.

 

 

Er kopiera
Nýggjastu sendingar í ÚV
Leygardag 22. februar
Jambalaja - 220225
188155
Leygardag 22. februar
Upp á tá - 210225
188152
Leygardag 22. februar
Vikan 22. februar 2025
188150
Nýggjastu sendingar í SV
Leygardag 22. februar
Dagur og vika - teknmálstulkað
188151
Fríggjadag 21. februar
Tróndur og Kári
187878
Fríggjadag 21. februar
Dagur og vika - teknmálstulkað
188097
Fríggjadag 21. februar
Veðrið
188130
Mikudag 19. februar
Dagur og vika - teknmálstulkað
187990