Allir handlar eiga at sleppa at selja heilivág í handkeypi

Allir handlar eigar at sleppa at selja heilivág í handkeypi og ikki bara handlar í teinum støðum, har einki apotek er.

Tað heldur Kappingareftirlitið.

Hetta hevði gjørt vælferðina í Føroyum størri, heldur Kappingareftirlitið.

Og tað er vorðið vanligt í grannalondum, at allir handlar kunnu selja heilivág í handkeypi.

Ikki kannað í Føroyum

Men Heilsumálaráðið hevur ikki hendan møguleikan við í uppskotinum um nýggja heilivágslóg.

Tí tað er ikki kannað í Føroyum, um vælferðin gerst størri, um handkeypsheilivágur kann keypast í øllum handlum.

Uppskotið um heilivágslóg verður viðgjørt í løgtinginum í dag.

Uppskotið hevur verið til hoyringar. Nógvar viðmerkingar og uppskot um broytingar eru um tað.