Jóhanna Norðberg Niclasen: "Alt ov nógvir fordómar um Melodi Grand Prix"

Aftur í ár verður ein føroyingur við í donsku sangkappingini Melodi Grand Prix, ið er undankappingin til Eurovision.

Hesaferð verður tað Jóhanna Norðberg Niclasen úr Havn, ið vanliga framførir undir navninum Sissal Jo, sum skal royna at vinna sær luttøku í Eurovision við sanginum "Hallucination". Til Melodi Grand Prix er Jo strikað, so hon bara eitur Sissal.

”Eg gleði meg til at fáa eina feita uppliving av at luttaka,” sigur Jóhanna Norðberg Niclasen.

”Tað eru alt ov nógvir fordómar um tað, at luttaka í Melodi Grand Prix, og tað er órímiligt, tí Tað eru toppprofessionel fólk, ið taka lut. 

Sangurin, ið Jóhanna Norðberg Niclasen sjálv hevur skrivað saman við øðrum, snýr seg um at hitta ein persón, og finna so væl útav tí saman, at tað nærum tykist sum ein yvirsjón.

Fyrstu ferð føroyingar vóru við í Melodi Grand prix, var í 1978, tá Harkaliðið luttók við sanginum Aldan.
Síðani tá hava fleiri føroyingar verið við, eitt nú Reiley í 2023, ið megnaði at verða fyrsti føroyingur, ið vann Melodi Grand Prix, Fyrstu ferð føroyingar vóru við í Melodi Grand prix, var í 1978, tá Harkaliðið luttók við sanginum Aldan.

Síðani tá hava fleiri føroyingar verið við, eitt nú Reiley í 2023, ið megnaði at verða fyrsti føroyingur, ið vann Melodi Grand Prix, kom víðari til Eurovision. Í fjør sang Janus Wiberg Mortensen seg til eitt triðja pláss.