Innbrot, herverk og harðskapur

Politiið hevur fingið fráboðan um herverk, innbrot og ófrið.

Um átta tíðina í gjárkvøldið vóru tveir menn handtiknir uttanfyri Tórshøll.

Annar er skuldsettur fyri brot á skilhaldsreglurnar og hin er skuldsettur fyri at sláa ein politist.

Tvey innbrot hava eisini verið, sigur vakthavandi á politistøðini.

Um hálvgum tólv tíðina í gjárkvøldið fær politiið fráboðan um, at óbodnir gestir hava verið hjá Reyðakrossi á Bryggjubakka í Havn. 

Politiið veit ikki um nakað er stolið enn.

Í morgun fekk politiið fráboðan um eitt annað innbrot, sum hevur verið hjá matvøruhandlinum PE í Signagøtu í Havn.

Politiið kannar málið í løtuni.

Í gjár fekk politiið fráboðan um herverk í Miðvági.

Hol var sett á eitt dekk á einum persónbili.