Pantskipanin kemur næsta ár

Næsta vár fáa føroyingar høvi at lata fløskur og íløt inn á einnum stað. 

Eftir ætlan skuldi pantskipan setast í gildi 1. juni í ár, men hvørki bygningur ella telduskipanir verða klár. 

Tí hevur IRF biðið Umhvørvismálaráðið útseta dagin, tá lógin um pantskipan verður sett í gildi.

Sigurd L. Lamhauge

Sigurd Lamhauge.

Bygningurin liðugur 1. oktober

IRF samskipar ætlanina at savna fløskur og íløt á einum stað, so fólk sleppa undan at fara í fleiri handlar at avreiða fløskur.

Sigurd Lamhauge, stjóri, sigur, at bygningurin verður liðugur 1. oktober. Tá skulu skulu telduskipanir, sum skráseta íløt og krevja upp pant, setast upp og fáast at virka. 

Fyri at binda um heilan fingur, heldur IRF, at tað er best at bíða við at seta pantskipanina í verk til næsta ár.

Løgtingið samtykti lógina um pantskipan í fjør, men landstýrisfólkið ásetir í kunngerð, nær lógin verður sett í gildi.