- Tíðindi, mentan og ítróttur
Fyrrverandi kommunustjórin fær fráfaringargjald
Fyrrverandi kommunustjórin fær fráfaringargjald
Sambært avtaluni, sum Kringvarpið hevur fingið innlit í, skal Rúni Rasmussen vera tøkur hjá kommununi til ráðgeving og sparringar til 1. juni
Rúni Rasmussen var kommunustjóri í Klaksvíkar kommunu til 1. mars.
Mynd: Bjarni Árting Rubeksen
07.03.2025 - 07:59
Rúni Rasmussen, sum var kommunustjóri í Klaksvík til 1. mars, fær fráfaringargjald, sum svarar til løn til 1. desember í ár.
Tað stendur í fráfaringaravtaluni við Klaksvíkar kommunu.
Hann fær tað, sum svarar til løn, eftirløn og ikki eftirlønargevandi lønarískoyti fyri áramálssetan, til og við 30. november.
Tey falla til gjaldingar nú í mars.
Sambært avtaluni, sum Kringvarpið hevur fingið innlit í, skal Rúni Rasmussen vera tøkur hjá kommununi til ráðgeving og sparringar til 1. juni.
Vunnin frítíð frá 1. apríl í fjør til 1. mars í ár skal haldast fram til 1. juni í ár.
Rúni Rasmussen bleiv kommunustjóri 1. august 2021.
Er kopiera
Nýggjastu sendingar í ÚV
Nýggjastu sendingar í SV
