Donald Trump strikar trygdargóðkenningar

Amerikanski forsetin Donald Trump hevur tikið trygdargóðkenningar aftur frá fyrrverandi forseta, politikarum og embætisfólki, skrivar BBC.

Tað er annars vanligt, at fyrrverandi forsetar og poltikarar við høgari tign hava varðveitt sínar trygdargóðkenningar, sum eitt tekin um virðing, hóast politikararnir ikki hava brúkt hetta at fáa atgongd til loyniligt tilfar. Men nú missa fólk sum Joe Biden, Kamala Harris og Hillary Clinton sínar trygdargóðkenningar.

Í 2021 gjørdi táverandi forseti, Joe Biden, nakað tað sama móti Donald Trump. Tá fekk hann noktað atgongd til loynilig skjøl við tí grungeving, at hann var ikki til at stóla uppá.