Tomáš Souček: Harður dystur fyri Kekkia

Kekkiski liðskiparin Tomáš Souček fegnaðist um sigurin á Føroyum og viðgekk, at talan var um torføran dyst fyri kekkar.

 - Hetta var ein harður dystur fyri okkum og vit eru overfegnir um sigurin, segði hann.

Patrik Schick legði Kekkia framum fyri steðgin, men alt broyttist, tá Gunnar Vatnhamar javnaði í 83. minutti. Javnleikurin hómaðist, men ólukkutíð fyri føroyingarnar, lá Schick aftur framvið tveir minuttir eftir føroyska málið, og avgjørdi dystin við góðum skallara.Tomáš Souček helt, at kekkar áttu at havt skotið meir mál fyri steðgin. 

 - Um vit høvdu skorað til 2-0 hevði dysturin verið lættari fyri okkum, men vit megnaði ikki at fáa annað málið, og so fingu vit í staðin mál ímóti okkum, segði West Ham-spælarin, sum rósti avrikinum hjá føroyska liðnum.