Landsstýriskvinnan sleppur at útseta pantskipanina

Margit Stórá, landsstýriskvinna, fær loyvi frá løgtinginum til at útseta pantskipanina fyri fløskur og onnur íløt.

Rættarnevndin er samd um at geva landsstýriskvinnuni hetta loyvið.

Pantskipanin skuldi koma 1. oktober í ár.

Men IRF, sum skal taka móti íløtunum, verður ikki klárur tá.

Ymsar avbjóðingar hava stungið seg upp.

Hvørki telduskipanin ella bygningurin í Sandavági vera liðug 1. oktober.

Mett verður, at klárt er í fyrru helvt í 2026.

Landsstýriskvinnan fær heimild til at áseta við kunngerð, nær lógin kemur í gildi.

Og pantskipanin skal nú eisini umfata onnur íløt enn tey til øl og sodavatn.