Jarðskjálvtin í Myanmar kravt 2.700 mannalív

Talið á teimum, sum eru deyð eftir jarðskjálvtan í Myanmar fríggjadagin, er nú komið upp á 2.719 fólk.

Tað sigur Min Aung Hlaing, sum er leiðari í hernaðarstýrinum  í Myamar, sambært kinesisku sjónvarprásini CCTV. Tað skrivar Reuters.

400 fólk eru framvegis ikki komin afturíaftur.

4.500 fólk hava fingið skaða.

Jarðskjálvtin, sum rakti Bangkok í Thailandi, hevur higartil kravt 17 mannalív.