Nýggir ferðaseðlaprísir: Útlendingar skulu rinda munandi meira

Í gjárkvøldið almannakunngjørdu Strandfaraskip Landsins nýggju ferðaseðlaprísirnar, sum koma í gildi longu um eina viku. 

Hetta samsvarar við ætlanirnar hjá samgonguni um at javnseta fólk ymsastaðni í landinum í samferðsluni, sigur Niels Juel Arge, stjóri á Strandferðsluni. 

Niels Juel Arge

Niels Juel Arge. 

Um eina viku verður 10 krónur dýrari at sigla við strandfaraskipunum, og tað verður fimm krónur dýrari at koyra við Bygdaleiðum

Ein onnur broyting á oyggjaleiðunum er, at pendlarar nú við einum árskorti fara at fáa ein stigvíst øktan avsláttur.

Størsta broytingin er, at hjá ferðafólkum, sum ikki eru búsitandi í Føroyum, hækkar prísurin 75 prosent fyri ferðandi til gongu og 50 prosent fyri akfør.

Hoyr innslag í útvarpstíðindunum: 

Tað eru 18 ár síðani, at ferðaseðlaprísirnir seinast vórðu broyttir. Tað var í 2007, tá ið teir á oyggjaleiðum lækkaðu 50 prosent fyri ferðafólk og 22 prosent fyri akfør.