Játtanarkarmar í tinginum í dag

Løgtingið fer á tingfundinum seinnapartin at viðgera uppskotið um játtanarkarmar fyri 2026.

Tingið fer eisini at viðgera uppskotið hjá landsstýrinum um eykajáttanarlóg.

Og uppskotið hjá formansskapinum um størri heimildir hjá uttanlandsnevndini er á dagsskránni hjá tinginum í dag.

Men áðrenn tingfólk koma so langt, skulu tey hava triðju viðgerð um tvey mál og aðru viðgerð og atkvøðugreiðslu um sjey mál, millum annað um nýggju kommunulæknaskipanina.

Tingfundurin í dag er klokkan eitt.