Nógv tann størsta lastin

Gøtunes landaði leygardagin nógv ta størstu svartkjaftalastina, sum Loðnuvinnslan á Fáskrúðsfirði í Íslandi hevur fingið higartil.

Talan var um 3.606 tons. Nógv tað mesta var svartkjafur. Eitt sindur av makreli var eisini uppií, skrivar verksmiðjan á heimasíðuni.

Tað tók hálvt annað samdøgur at landa Gøtunes og fýra samdøgur at arbeiða fiskin.

Tað mesta fór til mjøl.

Hetta er eisini størsta lastin hjá Gøtunesi higartil.