Brekumboðið skal flokkast og hølir finnast áðrenn tað verður lýst leyst

Hóast lógin um brekumboð kom í gildi í januar í ár, so er enn einki brekumboð sett. Starvið er heldur ikki leyst og so eru hølir heldur ikki funnin.

Tað harmar Bárð Atlason Ísheim, sum er aðalskrivari í Megd, sum í tíðindunum á middegi segði, at tað er átrokandi er, at brekumboðið verður sett sum skjótast.

Og Eirikur í Jákupsstovu, landsstýrismaður við almannamálum, skilir væl at fólk ótolnast. 

Men orsøkin til, at starvið ikki er sett enn er, at har eru nógv ymisk viðurskifti skulu loysast áðrenn tað kann setast - og lýsast leyst.

- Vit mugu finna útav, hvussu brekumboðið skal flokkast, og so mugu vit finna høli, áðrenn vit kunnu lýsa starvið leyst, sigur Eirikur í Jákupsstovu.

Landsstýrismaðurin veit ikki við vissu, nær brekumboðið verður sett og stovnurin letur upp, men hann  leggur afturat at fígging er fingin til vega til tvey fólk.

Les eisini: MEGD harmast: Einki brekumboð er sett enn

Trýst á leinkið niðanfyri og hoyr alt innslagið, sum varð í tíðindunum klokkan 18.00: