MEGD harmast: Einki brekumboð er sett enn

Tað harmar Bárð Atlason Ísheim, aðalskrivari í Megd, at lógin um brekumboð kom í gildi 1. januar í ár, men enn er einki brekumboð sett í Føroyum

"Tað er týdningarmikið at hava brekumboð," staðfestir Bárður Atlason Ísheim, aðalskrivari í MEGD. 

Tá lógin um brekumboð kom í gildi, segði Sirið Stenberg, táverandi  landsstýriskvinna í almannamálum, at starvið sum brekumboð fór at verða lýst leyst í mai. 

Men enn er starvið sum brekumboð ikki lýst leyst. 

Í MEGD eru tey sera spent uppá at fáa eitt brekumboð, sigur Bárður Atlason Ísheim.