Venjarin: Fara eftir fyrsta EM-sigrinum

Føroyar skulu hava sín fyrsta EM-sigur í Oslo.

Tað segði venjarin, Peter Bredsdorff-Larsen eftir sannførandi 35-27 sigurin á Ukraina við Tjarnir, sum tryggjaði Føroyum fyrsta plássið í bólkinum frammanfyri Hollandi.

 - Vit skulu til endaspælið fyri at vita, um vit ikki kunnu fáa okkara fyrsta EM-sigur, segði Peter Bredsdorff-Larsen.

 - So droyma vit eisini um, at vit fáa eitt lutakast, sum ger, at vit kunnu spæla okkum í miðumfarið, men vit skulu eisini minnast til at vera eyðmjúk at gleða okkum um, at vit skulu til EM fyri aðru ferð, segði Peter Bredsdorff-Larsen.

Bólkasigurin hevur við sær, at Føroyar vera í næstovasta styrkisbólki, tá lutakastið verður í Herning hósdagin. í heyst skal manslandsliðið vera við í venjingarkappingini "Golden League" saman vit Danmark, Norra og Hollandi, áðrenn venjingardystir í januar, sum eftir øllum at døma vera ímóti Italia.