Ferðaskrivstovurnar fingu 2.300 atgongumerki

Kringvarpið hevur nú fingið eitt yvirlit frá Hondbóltssambandinum, sum vísir hvussu atgongumerkini eru býtt.

Sum vit hava hoyrt, so vóru 1.400 atgongumerki sett í fría sølu.

Samtakið millum fyritøkuna Events og ferðaskrivstovuna 62Norð fekk 1.200 atgongumerki.

Smyril Line slapp at umsita 1.000 atgongumerki.

Stuðlar hjá HSF sluppu tilsamans at keypa 850 atgongumerki.

Spælarar og HSF sjálvt sluppu at ráða yvir tilsamans 240 atgongumerkjum, sum gjaldast skuldu fyri.

Føroyingafelagið í Esbjerg fekk eina pulju uppá 50 atgongumerki.

Hondbóltssambandið leggur dent á, at allar fyritøkurnar - eisini stuðlarnir - hava goldið fyri atgongumerkini.

Og til endans vóru 13 atgongumerki, sum fóru ókeypis til starvsnevndina og umsitingina í Hondbóltssambandinum. Hesi eru av teimum 240 atgongumerkjunum, sum spælarar og HSF sjálvi sluppu at ráða yvir.

Alt er útselt, og ongi atgongumerki eru tí at fáa í løtuni. Men Evropeiska hondbóltssambandið lovar nú, at tá freistin hjá hinum londunum at keypa er úti í september, so sleppa føroyingar at keypa avlopið í fríari sølu. Hetta hóast, at Føroyar longu hava fingið meira enn helmingin av øllum atgongumerkjunum at ráða yvir.