Føroyar og Danmark gera semju um talgilt koyrikort

Føroyar og Danmark gera semju um talgilt koyrikort
- Vónandi er hetta fyrsta stigið til, at føroyska talgilda koyrikortið eisini verður viðurkent í fleiri ES-londum, sigur Jóhan Christiansen, landsstýrismaður
 
26.05.2025 - 10:28

Bæði í Føroyum og í Danmark kanst tú hava talgilt koyrikort eitt nú á telefonini, so tær ikki nýtist at minnast pengapungin, tá tú fert út at koyra. 

Men føroyska og danska skipanin hava ikki tosað saman, men danski samferðslumálaráðharrin, Thomas Danielsen, og Jóhan Christiansen, landsstýrismaður í samferðslumálum, eru nú samdir um at taka avmarkingina burtur, soleiðis at eitt talgilt koyrikort í Føroyum skal eisini vera galdandi í Danmark – og øvugt.

- Vónandi er hetta fyrsta stigið til, at talgilta føroyska koyrikortið eisini verður viðurkent í fleiri ES-londum, sigur Jóhan Christiansen, landsstýrismaður í samferðslumálum, í tíðindaskrivi.

 

Tá Thomas Danielsen, flutningsmálaráðharri, og Jóhan Christiansen, landsstýrismaður, høvdu skrivað undir avtaluna um koyrikortið. 

 

Tað er í samband við, at Thomas Danielsen, danskur ferðslumálaráðharri, skal koma á stutta føroyavitjan í dag, at avtalan um talgildu koyrikortini landana millum er komið í lag, og harvið er ein loysn gjørd, soleiðis at føroysku koyrikortini verða partur av talgildu skipanini í Danmark.

Anna Falkenberg, fólkatingskvinna fyri Sambandsflokkin, tók í fjør málið upp við ráðharran, tí hon hevur fingið fleiri áheitanir um, at føroyingar eru ónøgdir við, at hevur tú eitt talgilt føroyskt koyrikoyrt, so bar ikki til at fáa tað góðkent í donsku talgildu skipanini.

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844