Brian Wilson er deyður

Brian Wilson var einans 19 ár, tá hann var við til at stovna The Beach Boys.

Nú er hann deyður, kunngerð familjan á heimasíðuni hjá Brian Wilson. 

"Tað er við stórari sorg at vit kunngerða, at okkara elskaði pápi, Brian Wilson, er farin um sýn. Orð eru fátøk."

"Vit vita, at tit harúti syrgja við okkum," skrivar familjan. 

The Beach Boys vóru ein familjubólkur, tá hann bleiv stovnaður. Umframt Brian Wilson, so vóru tveir av beiggjunum, Carl og Dennis, eisini við í bólkinum. 

Harumframt var systkinabarnið Mike Love og vinmaðurin Al Jardine eisini í bólkinum. 

The Beach Boys hava millum ár  og dag útgivið okkurt um 30 plátur.

Serliga plátan "Pet Sounds" frá 1966 verður mett sum eitt meistaraverk. Brian Wilson skrivaði og framleiddi plátuna so at siga einsamallur.