159 ungfólk skuldsett fyri at bróta lógina

Í fjør vóru 159 ungfólk millum 15 og 17 ár skuldsett fyri at bróta ferðslulógina, revsilógina ella aðrar lógir, siga hagtølini hjá politinum.

Tað eru fleiri enn í 2023, tá talið var 117, men minni enn bæði í 2022 og 2021, tá skuldsetingarnar vóru ávikavist 239 og 230.

Nógv tær flestu skuldsetingarnar eru um brot á ferðslulógina. Tær vóru 117 í fjør.

Revsilógarbrotini vóru 32.

15 ára gomul eiga flestu brotini

Yngri ungdómarnir eru, fleiri eru skuldsetingarnar um revsilógarbrot.

Tey 15 ára gomlu áttu helvtina í fjør, tey 16 ára gomlu 41 prosent og tey 17 ára gomlu níggju prosent.

Ríkingarbrotsverk eru á odda í hagtølunum. Tey eru 14. Síðani koma siðalagsbrotsverk, tey eru tíggju.

Fimm ung millum 15 og 17 ár vóru í fjør skuldsett fyri harðskap.