Skansabryggjan kostar 546 milliónir

Tríggjar millionir og 110.000 krónur lupu av, tá avtornaði, nú roknskapurin fyri at útbyggja Skansabryggjuna í Havn er lokaður.

Fyrireikingarnar byrjaðu av álvara í 2013.

Arbeiðið byrjaði í 2016 og var liðugt í fjør.

Men tað var ikki gjørt uttan svørðsslag.

Upprunaliga játtanin var 475 mió kr.

Endaligi kostnaðurin gjørdist 545,85 mió. kr, sum er 15 prosent størri enn upprunaliga játtanin.

Skaðar

Tríggjar ásiglingar, og skadd akker kostaðu nógv aftrat fyrstu játtanini.

Tey kostaðu 111 mió. kr.

Men Tórshavnar havn fekk 75,5 mió. kr. í endurgjaldi.

Uttan skaðar hevði útbyggingin kostað 510 mió kr, sjey prosent meira enn upprunaliga játtanin.

Størsti parturin av tí, sum nú verður flutt Tórshavnar havn aftur, eru tvær milliónir og 611.000 kr., sum vóru í íløguætlanini fyri 2025.

Tær vóru har fyri at leggja upp fyri møguligum halli, sæst í fundarskránni hjá Tórshavnar býráði í gjár.