Gloymt lag fram í ljósið í USA

- Hetta er eitt úrslit av tí dreyminum, vit høvdu fyri tjúgu árum síðan um at bróta ígjøgnum.

Bárður Háberg og Óli Jógvansson, sum kalla seg Baroli Music, hava skrivað og framleitt eitt lag til nýggjastu útgávuna hjá kendu barnasjónvarpsrásini Nickelodeon í USA. 

Lagið, ið Bárður og Óli hava skrivað saman við Paulu Winger, eitur "Anything?s Possible".

Útgávan kemur út í sambandi við 25 ára dagin hjá barnaklassikaranum "Dora The Explorer." Dora The Explorer er millum størstu altjóða brandini í USA og er at síggja á Nickelodeon og Netflix.

- Lagið var upprunaliga skrivað til eina sjónvarprøð hjá Disney fyri tíggju árum síðan. Tað bleiv vrakað, men nú er tikið framaftur til hesa nýggju útgávuna.

Hoyr samrøðuna við Óla Jógvansson her.