Taka aftur ímóti ull í summar

Búnaðarstovan tekur aftur í ár ímóti ull,  frá 10. juli til 22. august.

Krøvini til ullina eru, at hon ikki er vát, og ull við skræpu ella málingarrestum í, pesjur, ull við ov nógvum mosa, bosi ella eyri í, og ull við fremmandalikamum í t.d. restir av bótum, tráði o.tíl.) verður vrakað. 

Orsakað av krøvum frá keyparum uttanlands, ber ikki til at taka ímóti ull longur enn til 22. august.

Dorthea Joensen samskipar ullarmóttøkuna:

Dorthea Joensen, ullarmóttøka

Dorthea Joensen. (Mynd: Bjarni Árting Rubeksen)

Tikið verður ímóti ull hósdag og fríggjadag frá kl. 9 til kl. 16 og leygardagar frá kl. 10 til 13.

Og í Suðuroy dagarnar 26. august frá kl. 16 - 20, og 27. august frá kl. 9 til 12 og aftur frá kl. 17 til 17.30.     

Ullin skal vera turr og nosslig og stungin í reinar posar.

Ullin verður skild í tveir góðskuflokkar, I. flokk og II. flokk, har tøvd ull, hálsull, ull við nakað av mosa o. líkn. verður avroknað í II. flokki.

Fyri ull í I. flokki verður latið kr. 10 fyri kg, íroknað MVG, og fyri ull í II. flokki 1,50 fyri kg, íroknað MVG.

Hetta er sami prísur, sum í fjør og fyrrárið: