Hamragarður umvældur næsta vár og summar

Hamragarður umvældur næsta vár og summar
Byrjað verður at umvæla Hamragarð í Vági 1. apríl næsta ár
Hamragarður krevur umvælingar.
 
25.06.2025 - 06:45


Byrjað verður at umvæla Hamragarð í Vági 1. apríl næsta ár.

Arbeiðið tekur hálvt ár.

Tað sigur Eirikur í Jákupsstovu, landsstýrismaður, í svari til Hendrik Old, løgtingsmann.

Seinasti fundur um málið var 23. januar.

Á fundinum vóru tær fýra kommurnar í Suðuroyar sunnaru helvt, Fíggjarmálaráðið, Almanna-og Mentamálaráðið og Landsverk.

Síðani tá hevur verið arbeitt við at skipa samstarvið millum partarnar.

Smápartafelagið Formo á Glyvrum vann útboðið um projektering. 

Hon verður liðug í august ella september.  

Síðani verður byggiarbeiðið boðið út í innbodnum útboði.

Lisitatiónin verður ætlandi í oktober, sigur landsstýrismaðurin.

Stórar umvælingar kravdar

Ellis- og røktarheimið Hamragarður í Vági, sum kom fyri 14 árum síðani, hevur so at siga øll árini havt brúk fyri stórum umvælingum. 

Men leingi hevur togtogan verið um, hvør skal gjalda umvælingarnar. 

Henrik Old sigur, at Landsverk hevur mett, at umvælingarnar fara at kosta góðar 17 mió.kr.

Arbeiðið skuldi gerast í ár. Og pengar eru til tað í fíggjarlógini, sigur Henrik Old.

Hann undrast tí á, at arbeiðið ikki er byrjað. 

Er kopiera
Nýggjastu sendingar í ÚV
Mikudag 30. juli
Morgunlestur mikudagur 30. juli 2025
194901
Týsdag 29. juli
Ringreiðin
195039
Týsdag 29. juli
Ólavsøka í Studio 4
195035
Nýggjastu sendingar í SV
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018