Støðugt fleiri brúka Sandoyartunnilin

Akførini, sum fara gjøgnum Sandoyartunnilin, gerast støðugt fleiri.

Tey vóru 1196 í miðal um samdøgrið í juni.

Í mai vóru tey 1157. 

Í juni í fjør vóru akførini 876 í miðal um samdøgrið.

Í Eysturoyartunlinum var miðaltalið 6.615 í juni. Tað var 6.687 í mai.

Í juni í fjør var miðaltalið 5.579.

Í Vágatunlinum var talið 244 størri enn í mai, men i Norðoyatunlinum vóru akførini 60 færri í miðal um samdøgrið í juni enn í mai.

Tey vóru nakað væl færri í juni í fjør.

Ein part av juni í fjør var verfall.