Aðalmálið var at brúka tilfarið í økinum

Tað gjørdist ein stór verkætlan, sum Articon fór undir, tá fyritøkan fekk uppgávuna at gera nýggja innkomuvegin til høvuðsstaðin.

Eitt var at gera vegin frá rundkoyringini og niðan til tunnilin, men fyritøkan hevði eisini tunnilsarbeiðið sjálvt, og íbindingina sunnanfyri. Og meðan arbeitt var, bleiv avrátt at íbindingarvegirnir á leiðini skuldu gerast soleiðis, at bilar ongantíð koma at krossa koyribreytina hinumegin. Tí skuldu flættiskipanir gerast og nú vegurin er tikin í nýtslu, er talan um eina heilt nýggja vegaskipan, sum ikki er roynd í Føroyum áður.

Men tað er ikki bara tað, tí tá farið var undir verkætlanina, var aðalmálið at brúka alt tilfeingið, sum kom frá arbeiðinum aftur.

Tað sigur Jón Sigurðsson, stjóri í Articon.

- Tí er moldin brúkt til vollarnar, sum verja grannaløgini móti óljóði, grótið er brúkt aftur og so framvegis, sigur stjórin í Articon.

Trýst á leinki niðanfyri og hoyr alt innslagið, sum var í tíðindunum á nátturða.