Jacob knústi Top Run-metið

Jacob Ejby Stengaard setti nýtt met, tá Top Run-rennikappingin hjá Bragdinum var í fagrasta veðri um vikuskiftið.

Danin, sum hevur búð og runnið í Føroyum síðsta árið, rann teinin frá Kollfjarðadali niðan á Sornfelli upp á  39.38 minuttir. Gamli metið hjá Marnari Djurhuus frá 2013 var 43.04. 

Jacob Ejby Stengaard var ikki hin einasti, sum rann skjótari enn gamla metið. Rógvi Kárason kom á mál sum nummar tvey við tíðini 41.12, meðan Torbjørn Hentze fekk bronsuna við 44.31. 

Hjá kvinnum var Maria C, Nielsdóttir fyrst á mál við tíðini 58.28. Katrin Thorsvig var nummar tvey og Karoline Ejby Stengaard nummar trý.

Topp-trý hjá bæði kvinnum og monnum eru úr Bragdinum.