Umsókn Íslands um limaskap í ES stendur við

Ísland og ES eru samd um at hava størri samstarv um trygd og verju.

Tað er niðurstøðan, nú Ursula von der Leyen, forkvinna í ES nevndini, hevur verið í Íslandi.

Ísland og ES eru samd um at gera yvirlýsing um samstarvið um trygd og verju.

Serliga verður hugsað um sjókaðlar.

Kristrún Frosta­dóttir, forsætisráðharri, sigur við íslendskar miðlar, at gott samstarv er longu um trygd og verju, men nú verður hetta samstarvið styrkt og betur skipað. 

Eisini í NATO

Tað skal eisini styrkja støðuna hjá Íslandi í NATO, so landið kann taka á seg fleiri uppgávur har.

Ísland og ES hava eisini gjørt avtalu um fiskiveiðu og samstarv um fiskivinnu.

Ursula von der Leyen segði, at íslendska umsóknin um limaskap í ES er framvegis galdandi.

Ísland søkti um limaskap í 2009, men tók umsóknina aftur í 2015.

Men hon er framvegis galdandi sambært Ursulu von der Leyen.