Hatrikk í tvímansleiki

Tað var ikki bara í einstaklingafinalunum, at tað gekk væl í badminton á síðsta kappingardegnum á oyggjaleikunum.

Í finalunum í tvímansleiki fingu føroyingarnir eisini hattrikk. Uppaftur stuttligaru var tað, at í blandaðum tvímansleiki vóru bæði finalupørini føroysk. Tað var dómarin og ein av linjudómarunum eisini.

Í føroyingauppgerðini vunnu Rúni Øster og Miriam í Grótinum 2-0 á Magnus Dal-Christiansen og Svannu Thorkildshøj.

Hjá kvinnum vóru Bjarnhild í Buð Justinussen og Miriam í Grótinum tryggir vinnarar, og tað vóru Rúni Øster og Magnus Dal-Christiansen eisini hjá monnum. Sostatt vunnu føroyingarnir allar fimm finalurnar fríggjadagin í Kirkwall.

Sí gullinnslagið omanfyri