Fólkatalið í Runavíkar kommunu vaksið 700 fólk seinastu tíggju árini

Eysturoyartunnilin hevur havt við sær stóran fólkavøkstur. 

Herfyri fór Nes kommuna upp um 1.600 borgarar, og í Sjóvar kommunu nærkast tey 1.300 fólkum.

Í Runavíkar kommunu nærkast fólkatalið 4.500, og har eru komin fleiri enn 700 fólk aftrat seinastu tíggju árini - tað vil siga eisini, áðrenn Eysturoyartunnilin kom. 

Borgarstjórin í Runavík væntar, at vøksturin fer at standa við.

Tórbjørn Jacobsen, Tobbi, Runavík

Frítekst tagging: 

Torbjørn Jacobsen

Tobbi

Runavík

Bjarni Árting Rubeksen

Tórbjørn Jacobsen, borgarstjóri, ivast onga løtu í, at fólkatalið við Skálafjørðin er vaksið so nógv, tí Eysturoyartunnilin var gjørdur.

Tórbjørn Jacobsen sigur, at avgerðin um at byggja Eysturoyartunnilin fekk sera stóra ávirkan á, at fólk valdu at flyta inn á Skálafjørðin. Bæði tí, at tú kom at búgva stutt frá Havnini, men kommunurnar brúktu eisini nógva orku uppá at rigga økini til at taka ímóti nýggjum borgarum.

Hoyr innslag í útvarpstíðindunum: 

Runavíkar kommuna arbeiðir við ætlan um ein nýggjan skúla, og sambært borgarstjóranum verður tann skúlin nóg stórur til at rúma einum rímiliga stórum fólkavøkstri.