Løgmaður fáorðaður um at stytta arbeiðsvikuna

Løgmaður fáorðaður um at stytta arbeiðsvikuna
Í løglistanum stendur einki um, at nakað lógaruppskot um at stytta arbeiðsvikuna er á veg
Løgmaður sigur, at arbeitt verður framvegis við at stytta arbeiðsvikuna, men sambært løglistanum er einki uppskot á veg.
Mynd: Bjarni Árting Rubeksen  
 
31.07.2025 - 09:41

Politiska ætlanin at stytta arbeiðsvikuna fær ikki nógv orð við á vegnum í ólavsøkurøðu løgmans.

Í røðuni segði Aksel V. Johannesen einans, at arbeitt verður framvegis við at stytta arbeiðsvikuna. 

Og í ískoytispartinum til ólavsøkurøðuna stendur bara, at arbeitt verður við at stytta arbeiðsvikuna, og at hildið verður fram við arbeiðnum. Víst verður á, at arbeiðið hevur tikið longri tíð enn ætlað, serliga tí at tað hevur verið so nógv órógv á arbeiðsmarknaðinum.

Í samgonguskjalinum stendur, at "Arbeiðsvikan verður stytt niður í 37 tímar. Trípartasamráðingar verða tiknar upp um at stytta arbeiðsvikuna við einum tíma annaðhvørt ár, til hon er komin niður á 37 tímar. Arbeiðsvikan verður skipað við lóg."

Í løglistanum stendur einki um, at nakað lógaruppskot um at stytta arbeiðsvikuna er á veg.

Eftir lønarsamráðingar í fjørsummar boðaðu arbeiðsgevararnir frá, at tey ikki vildu  vera við í arbeiðnum at stytta arbeiðsvikuna.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592