Evropa hevur latið Ukraina 262 milliardir í hernaðarstuðli

Evropa hevur verið størri stuðul hjá Ukraina enn USA í skjótt hálvt fjórða ára drúgva krígnum millum Russland og Ukraina.

Tað er niðurstøðan í eini greining, sum týski granskingarstovnurin í Kiel, IFW, almannakunngjørdi í gjár.

Sambært greiningin hevur Evropa nú latið í minsta lagi 35,1 milliard evrur í hernaðarstuðli til Ukraina, frá krígsbyrjan í februar 2022 til juni mánað í ár.

35,1 milliard evrur eru umleið 262 milliardir danskar krónur.

Stuðulin úr Evropa er tilsamans 4,4 milliardir evrur - smáar 33 milliardir krónur - meira enn USA hevur latið.

Tað er serliga síðstu mánaðirnar, at stuðulin úr Evropa er øktur nógv, meðan stuðulin úr USA til Ukraina hevur staðið í stað.

Og tí fer Evropa fram um USA.