Erling Eidesgaard aftur í tingið

Erling Eidesgaard kemur aftur í løgtingið fyri Tjóðveldi, nú Hervør Pálsdóttir er farin í barnsburðarfarloyvi.

Erling Eidesgaard misti tingsessin fyrst í mars, tá Dennis Holm og Høgni Hoydal fóru úr landsstýrinum í løgtingið.

Erling Eidesgaard var nummar níggju á listanum hjá Tjóðveldi á løgtingsvalinum 8. desember 2022.

Hann fekk 216 atkvøður.

Hervør Pálsdóttir er forkvinna í tingbólkinum hjá Tjóðveldi og næstforkvinna í Tjóðveldi.

Hon er forkvinna í rættarnevndini og varalimur í uttanlandsnevndini og mentanarnevndini.